ჩვენი წარსული

ორგანიზაციის პროფილი
 

„ერთობა“ ოფიციალურად 2025 წელს დაარსდა, თუმცა ჩვენი ისტორია ბევრად უფრო ხანგრძლივი და მდიდარია. ჩვენი დამფუძნებლები წლებია ნიუ-იორკში ქართული საზოგადოების მხარდამჭერები არიან - კულტურული, საგანმანათლებლო და ადვოკატირების მიმართულებებით. სწორედ ეს გამოცდილება გახდა „ერთობის“ დაფუძნების საფუძველი.

 

ჩვენი წარსული საქმიანობა

-2018–2019

• დაარსდა გაზეთი და ონლაინ პლატფორმა The Georgian Herald, ნიუ-იორკში მცხოვრები ქართველი ემიგრანტებისთვის;

• ქართული დიასპორისთვის ქვეყნდებოდა სიახლეები,  სტატიები კულტურის შესახებ. საქმიანობა პანდემიისა და ეკონომიკური სირთულეების გამო შეჩერდა.

 

-2020–2021

• პანდემიის პერიოდში საინიციატივო ჯგუფის წევრებმა მოაწყვეს აქციები საქართველოს მოქალაქეების დასახმარებლად

• შეაგროვეს შემოწირულობები და გადაანაწილეს საკვები და მედიკამენტები კორონავირუსისა და ეკონომიკური სირთულეების გამო დაზარალებული ოჯახებისთვის

 

-2023

•  საქართველოს დამოუკიდებლობის დღესთან დაკავშირებით, ნიუ-იორკში პირველი მასშტაბური ღონისძიება გაიმართა, რომელსაც  ასობით ადამიანი დაესწრო

• შეიქმნა ქართულენოვანი  ბიბლიოთეკა, რომელიც დღეს უკვე 300-ზე მეტ წიგნს ფლობს.

• დამყარდა პარტნიორობა ბრუკლინის ყველა წმინდანის ეპისკოპალური ეკლესიის ქართულ სამრევლოსთან  All Saints’ Episcopal Church, რომელიც მხარს უჭერს და უთმობს თავის სივრცეს ქართული კულტურული და საზოგადოებრივი ღონისძიების გასამართად.

• დაიწყო მნიშვნელოვანი ეროვნული და კულტურული დღესასწაულებისა და ხსოვნის დღეების აღნიშვნა საზეიმო სადილითა  და კულტურული პროგრამებით.

 

-2024

• დამოუკიდებლობის დღის აღნიშვნა გაფართოვდა და დაემატა სხვადასხვა მუსიკალური, ლიტერატურული თუ კულტურული აქტივობა.

• All Saints’ Church-ში ყოველთვიური  შეხვედრები დაწესდა და კულტურული დიალოგისთვის მნიშვნელოვანი ადგილი გახდა.

• გაიმართა პირველი ქართული პოეზიისა და ლიტერატურის საღამო ბრუკლინში

• დაიწყო ქართული ფილმების ჩვენებები და შემდეგ საზოგადოებრივი დისკუსიები

• გაიმართა მადლიერების დღის აღსანიშნავი სადღესასწაულო  ვახშამი, რომელმაც ქართველები და მათი მეგობრები კიდევ ერთხელ გააერთიანა

• გაგრძელდა მნიშვნელოვანი ეროვნული და საზოგადოებრივი დღეების აღნიშვნა, რაც აყალიბებს ტრადიციას და აძლიერებს ერთობას. 

 

-2025

• მესამედ აღინიშნა დამოუკიდებლობის დღე, რომელსაც რეკორდული რაოდენობის მონაწილე ჰყავდა.

• გაგრძელდა ქართული ბიბლიოთეკისა და კულტურული პროგრამების გაფართოება

• დაიწყო ახალგაზრდული და საზოგადოებრივი ჯგუფების ჩამოყალიბება, მათ შორის რელიგიური კუთვნილებისგან დამოუკიდებელი სივრცეები, რომლებიც მიმართულია ღირსების, სამართლიანობისა და ურთიერთპატივისცემის ხელშეწყობაზე.

• გაიმართა დამატებით კულტურული ღონისძიებები და საქმიანი სადილები, რამაც  საზოგადოებრივი კავშირების გაღრმავებას შეუწყო ხელი.

• დამყარდა პარტნიორობა ადგილობრივ ორგანიზაციებთან და კულტურულ ინსტიტუტებთან, რამაც უფრო აამაღლა ნიუ-იორკში ქართული საზოგადოების ხმა.

• გაიმართა ქალაქ ნიუ-იორკის მერის ოფისისგან საზოგადოების განვითარებაში შეტანილი წვლილისთვის მადლიერების სიგელების გადაცემის ცერემონიალი.

• 2025 წლის აგვისტოში ოფიციალურად დაარსდა როგორც არასამთავრობო ორგანიზაცია „ერთობა“ (Georgian International Foundation for Transformation, Inc.)